Kinnidaw ti Pilipinas babaen iti Department of Foreign Affairs (DFA) nga ikkaten ti pagilian nga Oman kas requirement ti negative-HIV certificate para kadagiti Pilipino a kayatna a mapan iti nasao a pagilian tapno agtrabaho.
Iti maysa nga statement, impakaamo ti DFA a nangipatulod dagitoy iti “strong representations” iti Embahada ti Oman idiay Manila tapno kiddawenda ti pannakaikat ti panangkiddaw iti nasao a dokumento kadagiti Pilipino a kayatna a mapan iti nasao a pagilian.
Sigun iti DFA, namnamaenda ti positibo a resulta iti kiddawda maipanggep iti nasao a pakaseknan nangnangruna ta nasinged met ti koneksyon ti Pilipinas ken Oman.
Impakaammo met ti Embaha ti Oman iti pagilian a maadaan iti panagtatalantan inton sumaruno a lawas tapno mailawlawag ti nasao a requirement.
Maipalagip a nangipabaak ti Emirates iti website dagitoy a kasapulan a dumalan dagiti Pilipino iti HIV testing malaksid kadagiti ubbing sakbay iti departure dagitoy. // bombokaren.c.s
