Nabigbig iti national level ti Provincial Agriculture and Fishery Council (PAFC)-Benguet iti maika-sangapulo ket maysa a National Agriculture and Fisheries Volunteers’ Day.
Nagun-od ti Provincial Agriculture and Fishery Council (PAFC)-Benguet ti maikadua nga Outstanding PAFC iti pagilian a Pilipinas, bayat a maika-tallo met ni Gerson Domoguen kas Outstanding Chairperson.
Nangabak metlaeng ti Itogon kas maikadua nga Outstanding Municipal AFC ken Most Supportive LGU, ken ni Marlou Daliling kas maikadua nga Outstanding MAFC Secretariat Coordinator.
Kas panangbigbig, pinadayawan dagitoy iti lokal a gobierno ti Benguet idi Abril 6, 2026.
Sigun iti Provincial Agriculture and Fishery Council (PAFC), napateg ti papel dagiti coordinator kadagiti panagballigi dagitoy.
Karaman kadagiti naaramidda ket ti panangipasa kadagiti resolusion a nagresulta kadagiti ordinansa tapno suportaran dagiti mannalon ken mangngalap, kas iti panangideklara iti Mayo kas Farmers and Fisherfolks Month.
Sigun iti Provincial Agriculturist, nagbalin a posible dagitoy gapu iti suporta iti lokal a gobierno.
Ti Provincial Agriculture and Fishery Council ket agserserbi a boses dagiti mannalon ken dadduma pay a sektor iti panangpadur-as iti agrikultura ken ti panagkalap.
