--Ads--
Inkari ni state witness ken sigud a Department of Public Works and Highways (DPWH) Undersecretary Roberto Bernardo nga isublina ti P1 Billon a pondo manipud iti gobierno.
Daytoy ket paset ti restitution, kasukat ti pannakaipasidongna iti Witness Protection Program (WPP) tapno agtestigo iti naanomalyaan a flood control projects.
Immuna nga insubli ni Bernardo ti nasurok P500 million ti gobierno.
Maipalagip nga inaklon ti nasao a sigud nga opisial ti DPWH a karaman iti korapsyon dagiti iti proyekton sadiay Padi, Bulacan.
Nagtestigo metlaeng daytoy iti tallo a maipagarup a milyun-milyon a cash deliveries kenni sigud a Senador Revilla idi 2024 ken 2025.
Sigun kenni Bernardo, agbabawi iti papelna iti nasao a korapsiyon.
