Kinnidaw ni sigud nga Anakalusugan Representative Mike Defensor a maipasidung iti protective custody ni Orly Guteza ken dagiti 18 nga nagpaamammo kas sigud a Marines, a maatap a nagserbi kas bagmen ni sigud nga Ako Bicol Representative Zaldy Co tapno masigurado ti siguridad ken testimonya dagitoy.
Iti maysa a press conference a naangay idi kalman, inpresenta ni Defensor ti kopya ti 61- page complaint affidavit a panggepna nga ipila iti Office of the Ombudsman kontra kenni Co ken sigud a House Speaker Martin Romualdez seknan ti maatap nga anomalya kadagiti flood control projects.
Sigun kenni Defensor, karaman kadagiti dokumento ket dagiti testimonya da Guteza ken innem kadagiti 18 a sigud a marino.
Nupay awan pay ti pormal a kaso kontra kenni Romualdez, mapapati a nairaman dagiti nasapataan nga statement daytoy iti ex parte application ti Ombudsman para iti posible a precautionary hold departure order kontra kenkuana.
Inpresenta metlaeng ni Defensor ti maysa nga audio recording ti maatap a panagsarita da Guteza ken asawa daytoy idi napalabas a tawen no sadino dinakamat ni Guteza a pinilitda daytoy nga ipitenda Defensor ken Senator Marcoleta ket ipaganetgetna a binayadan daytoy da Defensor ken Marcoleta kas kasukat iti testimonya dagitoy.
Maipalagip a napukaw ni Guteza kalpasan a nagtestigo daytoy idiay Senado iti Setyembre idi napalabas a tawen no sadino impettengna a nangitulod daytoy kadagiti kickbacks dagiti assets a maikonkonekta iti maatap a notaryo daytoy.
Inlawlawag met ni Defensor, nupay adda ti damag a nabiyag pay laeng ni Guteza, saanna ti lokasyon daytoy ken dagiti dadduma kadagiti sigud a marines.
Kinnidaw pay daytoy ti proteksyon para kenni Guteza, kadagiti 18 a sigud a marino ken kapamilya dagitoy. //bombokaren.c.s
