BAGUIO CITY – Isayangkat dagiti nadumaduma a sektor ti protesta, kagiddan ti Labor day iti sudad ti Baguio intun Biernes, May 01.
Iti pannakiuman ti Bombo Radyo kenni Mr. Mike Cabangon, mangidadaulo iti Kilusang Mayo Uno, kinunana nga aramidenda daytoy kas pananglagip iti inlablaban dagiti mangmangged iti sangalubungan.
Innayon daytoy a ti nasao a protesta ket mainaig iti krisis a sangsangwen ti pagilian, partikular iti panagngato ti presyo ti produkto a petrolyo, giera ti US-Israel kontra iti Iran ket ti kiddawda a pannakaibasura ti Oil Deregulation Law, Value-Added Tax (VAT), panagbaba ti presyo ti petrolyo, korapsion ken dadduma pay.
Sigun kenni Mr. Cabongon, makipaset ditoy dagiti Health sector, religious sector, academic sector, agtutubo, Transport Sector ken dagiti organisasyon iti public market.
Agrugi ti parada iti Convention Center iti 8:00 a.m agingga iti 12:00 p.m idiay Igorot Garden.//mp4
