Binilin ti pagilian a Cambodia ken Thailand dagiti foreign ministers dagitoy nga isayangkatda ti dialogo tapno malapdan ti panagkaro ti panagsusupiat iti nagbaetan dagitoy.
Nabilin metlaeng dagitoy a mangpataud iti kondision para iti kappia ken kinatalged, kagiddan ti panagserbi ti Pilipinas kas mediator iti trilateral meeting iti maika-48 nga ASEAN Summit.
Inwaragawag daytoy ni President Ferdinand Marcos Jr. a kinompirmar met ni Thai Prime Minister Anutin Charnvirakul ken Cambodian Prime Minister Hun Manet.
Sigun kenni President Marcos Jr. impakita dagiti foreign ministers ti dua a pagilian ti panagkomitda iti dialogo.
Innayon ti presidente a talkenda ti abilidad ti Cambodia ken Thailand a risutenda ti nagdumaanda iti beddeng babaen iti nainggayyeman, natalna ken ti espiritu ti ASEAN solidarity ken unity.
