Imbinglay ni Interior Secretary Jonvic Remulla a planona nga agsubli iti lugarda idiay Cavite ken tumaray iti lokal a posisyon inton 2028.
Kalpasan daytoy iti sayangguseng a panggepna a tumaray iti nasyonal a posisyon.
Sigun kenni Remulla, kayatna nga ipokus ti serbisyona iti nasayaat a motibasyon ken saan a gapu iti bukod nga ambisyon.
Innaklon daytoy a nupay adda ti “perception gap” ti publiko kenkuana, nakasagana ti opisyal a mangawat kadagitoy kas paset iti panagserbina iti umili.
Innayon pay ti opisyal a posible latta a masukatan dagiti planona iti masakbayan.
Nupay kasta, sigun kenkuana, ti nalawag laeng para kenkuana iti agdama ket kayatna nga agsubli idiay Cavite.
“Everything is fluid, but as of now, my heart is set on going back to Cavite talaga. We will cross the bridge when we get there but I miss home,” sigun kenni Remulla. //bombokaren.c.s
