Nangipila iti Office of the Ombudsman ti opposition coalition Tindig Pilipinas ken nagduduma a human rights groups iti reklamo nga obstruction of justice kontra ka da Senate President Alan Peter Cayetano, Senador Robin Padilla, ken suspended acting Senate Sergeant-at-Arms Mao Aplasca seknan iti insidente iti pammaltog iti Senado idi Mayo 13.
Sigun kadagiti nagreklamo, karaman da Kiko Aquino Dee, Sylvia Estrada Claudio, at Fr. Flavie Villanueva, mapapati a naaddaan iti panangabuso iti pannakabalin ken pananglapped iti proseso iti linteg idi napasamak ti insidente bayat nga adda iti protective custody iti Senado ni Sen. Ronald “Bato” dela Rosa.
Impaganetget dagiti nagreklamo a rumbeng a responsable dagiti opisial iti mapapati a panagaramat iti posisionda tapno lappedan ti panangipatungpal iti linteg ken salakniban dagiti kaalyado.
Kiniddawda iti Ombudsman nga imbestigaran ti insidente ken sungbatan dagiti responsable iti siasinoman a mapanekneknan a naglabsing iti linteg.
Maipalagip a naaddaan iti gulo iti Senado idi Mayo 13 kalpasan a nagpaputok iti warning shots ni Aplasca iti tengnga iti lockdown, kagiddan kadagiti report a mapadpadas a maipatungpal ti warrent of arrest kontra kenni Senador Dela Rosa. Adda iti protective custody daytoy iti Senado idi napamasak ti insidente ken imikkat kaduana ni Padilla.
