--Ads--
Impeksa ni Senate President Pro Tempore Sherwin Gatchalian a daytoy ti mangidaulo iti naikeddeng nga impeachment trial ni Vice President Sara Duterte.
Sigun kenni Gatchalian, maibasar iti agdama a pagalagdan, ti Senate president pro tempore kas acting presiding officer ti mangidaulo iti panagdengngeg.
Kinunana metlaeng a kasapulan nga agsapat dagiti senator-judges sakbay a mangrugi ti proseso.
Puntiria metlaeng a marugian ti impeachment trial inton Hulio 6, ngem kinuna ni Gatchalian a makikoordinar daytoy iti clerk of court para iti pinal nga iskedyul ken dadduma pay a detalye.
