Pinaglibakan ni Senator Erwin Tulfo dagiti alegasion nga adda ti kasukat wenno katulagan iti panagdar-ay ni Senator Francis “Chiz” Escudero iti session ti Upper House idi Mierkoles, Hunio 3, 2026.
Sigun kenni Sen. Erwin, saan a pudno dagiti espekulasion nga adda ti kasukat ti panagparang ni Sen. Escudero iti tengga ti isyu ken tension ti Senado.
Impanetget metlaeng ti Senador nga awan ti kinapudno iti alegasion ni Senator Alan Cayetano nga adda ti biang ti Malacañang tapno masigurado nga agparang ni Sen. Escudero iti session.
“Bakit makikialam ang Palasyo? This is a Senate, we are another branch of the government,” sigun kenni Sen. Tulfo.
Ti statement ket sumaruno dagiti damag mainaig kadagiti paspasamak iti Senado ken ti mapapati a panagsisina dagiti mammanday-linteg mainaig iti isyu ti liderato ti Senado.
Iti sabali a bangir, impetteng ni Sen Esdero a saanna a pabpaboran ti aniaman a grupo ken agtalinaed a naikumit iti pagimbagan ti institusion.
“This is not a political contest. I am not taking sides. I am taking a stand for the Senate. My allegiance is not to any faction, personality, group or alliance. This is not about loyalty, betrayal, or choosing one group over the other—this is about duty,” sigun kenni Escudero
