--Ads--
Dinayeg ti 7.8 magnitude a gingined ti sumagmamano a paset ti Mindanao itay alas-7:37 itay agsapa.
Sigun iti report ti PHIVOLCS, nairekord ti Intensity VII idiay General Santos City bayat a nairekord met ti Intensity VI idiay Palimbang ken Senator Ninoy Aquino idiay Sultan Kudarat.
Idiay met Davao City, Kidapawan, Carmen (Cotabato), ken sumagmamano a lugar idiay Sultan Kudarat ken Zamboanga del Norte, napasaran ti Intensity V.
Dagos met a binagaan dagiti otoridad dagiti residente iti nasao rehiyon nga umakar kadagiti nangangato a lugar kalpasan a napasamak ti nasao a gingined.
Gapu iti kinapigsa ti nasao a gingined, nangitunda pay daytoy iti tsunami warnings iti nasao a rehiyon. //bombokaren.c.sapirao
