Impakaammo ti Department of Energy (DOE) a halos maisublin ti suplay ti kuryente kadagiti lugar a naapektaran iti magnitude 7.8 a gingined a tinmama idiay Sarangani ken kabangibang a luglugar idi kalman.
Iti inisyal nga assessment ti nasao nga ahensya, uppat a power plant, dua a transmission line, uppat a private power utility, ken walo nga elecric cooperative ti naapektaran iti nasao a gingined.
Iti kaudian a report dagitoy, dua a power plant ti natarimaan ken naisubli meten ti transmission services kadagiti nagduduma a lugar.
Malaksid iti dayta, nakaipaay meten ti serbisyo ti agarup uppat a private distribution utilities ken pito nga electric cooperatives.
Nupay kasta, agtaltalianed latta nga awan ti kuryente kadagiti lugar a sakop ti South Cotabato II Electric Cooperative Incorporated a mannarimaan a makapaspasar iti total blackout.
Sigun kenni Energy Secretary Sharon Garin, agarup 864,000 a pagtaengan ti naapektaran iti kaawan kuryente kadagiti nagduduma a lugar idiay Sarangani, South Cotabato, Sultan Kudarat, Davao Region, ken kabangibang a luglugar. //bombokaren.c.sapirao
