Impablaak iti Benguet Electric Cooperative a puntiriana a makumpleto iti agdama a tawen ti 28 sitio electrification projects iti probinsia ti Benguet nga agbalor iti P99.8 milyon.
Sigun kenni Engr. Melchor Licoben, manamnama nga agnumar iti programa ti 656 a pagtaengan kadagiti addayo a lugar iti probinsia.
Ti pondo para iti proyekto ket nagtaud iti National Electrification Administration.
Panggep iti programa a maiwarasan iti kuryente dagiti nasulinek a komunidad uray saan a maala a dagos ti gastos iti panangibangon iti imprastraktura.
Kabayatanna, impakaamo metlaeng iti Benguet Electric Cooperative a bimmaba iti 8.63% ti system loss rate daytoy idi 2025, nababbaba iti naituding a 10.25% a limitasyon.
Sigun iti kooperatiba, makatulong daytoy tapno mapababa ti singir iti kuryente dagiti konsumer.
