Nangipatulod ti tulong ti United Arab Emirates (UAE) para kadagiti komunidad a naapektaran iti gingined a napasamak idiay Mindanao ita a lawas.
Karaman kadagiti inpatulod dagitoy a tulong ket dagiti taraon, ken relief goods kadagiti naapektaran a lugar.
Panggep ti nasao nga emergency humanitarian response ti UAE a mangipaay iti dagos tulong ken suporta tapno in-innot a makabangon dagitoy iti napasamak.
Immuna metten a nangipatulod iti mensahe ti suporta ni UAE President Sheikh Mohamed bin Zayed Al Nahyan kenni President Ferdinand Marcos,Jr. no sadino impanamnamana ti agtultuloy a suportada iti pagilian a Pilipinas.
Maipalagip a malaksid iti UAE, inyebkas metlaeng dagiti nagduduma a pagilian ti pannakipagriknada ken suportada kadagiti naapektaran ken naawanan iti ayayatenda iti biyag gapu iti napasamak a gingined. //bombokaren.c.sapirao
