Tuloy-tuloy ti naduma-duma a programa ti Bureau of Jail Management and Penology (BJMP) para iti rehabilitation dagiti Persons deprived of liberty (PDLS).
Iti eksklusibo a pannakiuman ti Bombo Radyo kenni JINSP Juluis Garlejo, acting jail warden ti La Trinidad Municipal jail, agarup innem a naduma-duma a programa pakairamanan ti: 1) Livelihood Program, 2) Educational ken Vocational Training kas iti higher education, TESDA, DEPED, TechVoc ken daduma pay; 3) Recreation and other sports activities; 4) religious and spiritual program; 5) Therapeutic community modality progrom, ken 6) Health and Wellness program.
Dagiti nasao a programa ket nakapokus iti pannakaequiped dagiti PDLs ti knowledge, skills ken dadduma pay.
Malaksid iti dayta ket para ti behavioural intervention, mental health, pannakamintinar ti physical health dagitoy ken dadduma pay.
Iti sabali a bangir, impeksa ni Galerjo a nu maipapan iti livelihood program, patok ditoy ti panagaramidda iti bayong no sadinno, daytoy ti napigsa a gatgatangen dagiti customers-da.
Sigun kenkuana, dumanon ti 17k kada bulan ti kita dagitoy a mabingbingay para kadagiti PDLs ken ti panggatang ti supplies da para iti livelihood metlaeng dagitoy ken dadduma a kasapulanda.
Imbinglay pay daytoy a ti wagas para iti pannakapalawa pay ti customer reach dagitoy ket ti pannaka-ipromote daytoy iti social media, community engament ken pannakipaset kadagiti trade fairs.
Kabayatanna, adda ti siam a PDLs a nagenroll iti elementary ken secondary.//Bombo Noveh Organo
