Imbilin iti Philippine Amusement and Gaming Corporation (PAGCOR) ti amin iti gaming operators ken maseknan nga stakeholders a baliwan dagiti agdama a “responsible gaming” advertisements a material a mangitantandudo iti baro 24/7 National Problem Gambling Helpline (NPGH).
Sigun iti PAGCOR, nangiruar ti Gaming Licensing and Development Department (GLDD) iti memorandum idi Hunio 9 a nangibilin kadagiti licensee, supplier, ken gaming venue operators nga aramaten ti opisial nga National Problem Gambling Helpline advertising template iti amin iti out-of-home (OOH) platforms, karaman ti billboards, wallscapes, ken digital displays.
Kinuna ni PAGCOR Chairman ken CEO Alejandro Tengco a panggep iti addang a siguraduen a naparpartak a maipadanon ti tulong kadagiti naapektaran iti pakaseknan gapu iti sugal.
Saklaw iti direktiba ti panagbaliw dagiti advertisement agingga Hulyo 15, 2026, ken agtalinaed kadagitoy agingga iti Setyembre 15, 2026.
Saanen a kasapulan iti approval manipod iti Ad Standards Council (ASC), ngem mangipaulog daytoy iti exemption certificates.
Kasapulan metlaeng a mangisubmitir iti accomplishment report dagiti naapektaran a partido iti Gaming Licensing and Development Department sakbay ti Hulyo 16, 2026, ken mabalin a mapatawan iti pannusa ti saan a sumurot iti pammilin.
