Nagpinnirma da US President Donald Trump ken Iranian President iti maysa a katulagan a panggepna a leppasen ti giera idiay Middle East, kasukat iti panangpalag-an iti Iran iti “enriched uranium” ken panangipaay iti nalawa a tulong iti ekonomiya manipod iti Estados Unidos ken dagiti kaalyado.
Sigun iti opisial iti Estados Unidos, pinirmaan ni Trump ti memorandum of understanding iti maysa a dinner kadua ni French President Emmanuel Macron iti Versatilles kalpasan ti G7 summit.
Kinumpirmar metlaeng iti Iran ti panagpirmada iti dokumento.
Iti sidong iti katulagan, dagos nga ikkaten ti Washington ti sumagmamano nga oil sanctions kontra iti Iran, bayat a maitandudo ti nalawlawa a negosasyon iti nuclear program iti Tehran kasukat iti posible a $300 bilyon a reconstruction fund.
Kinuna iti Iran a ti katulagan ket maysa a balligi para iti pagilian bayat nga agtaltalinaed iti kritikal ti sumagmamano nga US lawmakers a nangibaga a mabalin a saan a malapdan ni Trump ti nuclear ambitions iti Tehran.
Karaman iti umuna nga addang iti katulagan ti in-inut a panaglukat iti Strait of Hormuz ken ti dua a bulan a negosasyon para iti permanente a katulagan.
