Simmangpeten ni President Ferdinand Marcos Jr. sadiay Manila kalpasan ti tallo nga aldaw a panagbisitana sadiay Russia para iti ASEAN-Russia Commemorative Summit.
Nagsekabi kas co-chaired iti nasao a summit ni President Marcos Jr. kaduanna ni Russian President Vladimir Putin.
Iti nasao nga ASEAN summit, nagpasasaritaan, nabukel ti panagtitinnulong ken naadoptar dagiti sumagmamano nga addang.
Nagpagnunumuan ti ASEAN ken Russa a patibkeren ti kooperasyon ken dialogo babaen iti Kazan Declaration 2026; napirmaan metlaeng ti The ASEAN-Russia Comprehensive Plan of Action for 2026-2030; The Joint Statement and Concept Paper on Cultural Cooperation ken The Joint Statement and Concept Paper on Energy Cooperation.
Sigun kenni President Marcos Jr., silulukat para iti posible a visa-free deal ti Pilipinas ken Russia.
Iti sabali a bangir, naadaan dagitoy iti bilateral meeting kenni Russian President Putin.
Sigun kenni President Marcos Jr., pinasingkedanda ti panaggayyem ken panagtitinnulong ti Russia ken Pilipinas.
Napagsaritaanda metlaeng dagiti wagas tapno ad-adda a maparang-ay ti bilateral partnership iti panagtagilako, investment, energy security, agrikultura, science and technology, edukasion, ken people-to-people exchanges.//mp4
