Personal a binisita ni Vice President Sara Duterte ita a Domingo dagiti residente a naapekataran iti magnitude 7.8 a ginggined a nangdayyeg iti sumagmamano a paset ti Mindanao idi June 08, 2026.
Iti social media, kinuna ni VP Sara nga immuna a nagturong iti Barangay Nuing sadiay Jose Abad Santos tapno personal a kamustaen dagiti naapektaran a pamilia ken siguraduen a maidanon ti kasapulan a tulong iti komunidad.
Sigun iti Office of the Vice President (OVP), nangipaay ti bise Presidente iti ayuda kadagiti residente nga apektado iti nasao a ginggined.
Kalpasan ti panagbisita ti bise presidene idiay Davao Occidental, nagturong idiay Sarangani Municipal Hospital ken iti maysa nga evacuation center sadiay Barangay Mabila ken Balut Island tapno sukimaten ti kasasaad dagiti evacuees ken pasiente a naapektaran.
Nagturong metlaeng daytoy sadiay Glan ken Philippine Emergency Medical Assistance Team Field Hospital.
