--Ads--
Kinumpirmar ti Philippine Red Cross (PRC) a dumanunen iti 4 ti bilang dagiti pimmusay gapu iti shooting incident iti uneg ti San Jose National High School sadiay Tacloban City idi Lunes June 21, 2026.
Saan a nakayanan ti estudiante a biktima ti sugat a nasagrap daytoy bayat ti pannakatamingna iti ospital.
Sigun iti Philippine Red Cross (PRC), pimmusay ti maikappat iti oras ti alas-7 ti rabii iti kapada nga aldaw.
Iti agdama, manarimaan ti pannakataming dagiti 15 nga estudiante ti San Jose National High School.
Maipalagip a naarestar dagiti dua a suspek.
Naduktalan a maysa kadagiti paltog nga inaramat dagitoy ket kukua ti maysa a babae a pulis bayat a ti .38 caliber a paltog ket nakarehistro iti maysa a security agency.
