Inyanunsyo ni Senator Risa Hontiveros , a dadaulo metlaeng ita ti Senate Committee on Women, Children, Family Relations, and Gender Equality a maaddaan dagitoy iti senate hearing inton Hulyo 1 seknan iti napasamak nga school shooting incident ijay Tacloban City.
Sigun iti pablaak daytoy iti social media, mapagtatalantanan iti nasao a panagdengngeg nu naka-impluwensya ti online platform kadagiti dua a menor de edad a suspek.
Innayon daytoy nga apaman a maawuan nu adda ti koneksyon na dagiti online platforms pakairamanan dagiti gaming spaces iti kauugali dagiti ubbing, kasapulan nga adda ti sumungbat ken agbalin a responsable.
Sigun pay kenkuana, saan a mabalin a kwarta laeng ti panpanunoten dagiti Big Tech bayat a madadael dagiti pappamilya ken estudayante.
Kagiddan dayta, inyebkas ti senadora ti pannakipagriknana kadagiti pamilya dagiti biktima iti nasao a shooting incident. //bombokaren.c.sapirao
