Dinayyeg ti magnitude 6.6 a ginggined ti Davao Occidental iti pasado 7:34 ti rabii, Hunio 26, 2026.
Iti report ti Philippine Institute of Volcanology and Seismology (PHIVOLCS), nairekord ti epicenter ti ginggined iti 90 kilometrs iti abagatan a laud ti Balut Island, Sarangani, iti kaadalem a 10 kilometers.
Maibasar iti instrumental intensities, nairecord ti Intensity V idiay Malapatan, Sarangani ken T’boli, South Cotabato.
Intensity IV idiay Malungon, Maitum, Kiamba, ken Maasim idiay Sarangani; Tupi ken Koronadal City idiay South Cotabato.
Intensity III ti narikna iti Santa Maria, Davao Occidental; Tampakan, South Cotabato; ken Palimbang, Sultan Kudarat.
Intensity II idiay Magsaysay, Davao del Sur; Norala, Banga, Santo Niño, Surallah idiay South Cotabato; Lebak, Isulan, Kalamansig, ken President Quirino sadiay Sultan Kudarat.
Intensity I ti nailista iti Magpet, M’lang, ken President Roxas idiay Cotabato, kasta metten idiay Columbio ken Esperanza idiay Sultan Kudarat.
Agtultuloy a bambantayan dagiti autoridad dagiti posible nga epekto ti ginggined, agraman dagiti aftershock ken pannakadadael ti imprastruktura.
Mabalbalakadan ti publiko nga agtalinaed nga alerto ken suroten dagiti advisories ti lokal a gobierno ken PHIVOLCS iti nasao a lugar.
