--Ads--
Inawagan ni House prosecution panel spokesperson a ni Representative Zia Alonto Adiong a “Rehashed’ wenno naulit-ulit ti sungbat ni Vice President Sara Duterte iti sangsangwenna nga Articles of Impeachment.
Iti maika-51 a panid ti dokumento nga insubmitir ti Bise Presidente, impettengna nga invalid ti impeachment proceedings gaputa maipagarup a naaramid daytoy iti “bad faith” ken biased.
Nupay kasta kinuna ni Adiong a pammaneknek laeng daytoy nga awan ti natibker a kontra-ebidensia ti kampo ni Duterte tapno “tapatanda” ti pammabasol kontra kenkuana.
Innayonna nga idi paylaeng un-una a puro teknikalidad ken konstitusyonalidad ti irasrason ti Bise Presidente iti baet a nalpasen ti komite mainaig iti daytoy.
