Mangipatungpal ti Senate Committee on Social Justice , Welfare, and Rural Development ti naununeg a panagadal iti Juvenile and Welfare Act.
Sigun iti chairman ti komite a ni Senator Erwin Tulfo, karaman kadagiti adalenda ti kinakurang ti Bahay Pag-asa facilities para kadagiti Children in Conflict with the Law ken nu rumbeng a mairaman a madusa dagiti nagannak gapu iti pananglabsing dagiti annakda iti linteg.
Malaksid iti dayta, adalenda metlaeng ti minimum age of criminal responsibility nga iti agdama ket adda iti edad a 15.
Inlawlawag met ni Sen. Tulfo a panggep ti komite na a tarimaanen ti ‘broken enforcement mechanism’ tapno mabalanse ti panangipaay iti hustisya kadagiti biktima ken rehabilitasyon kadagiti Children in Conflict with the Law. //bombokaren.c.sapirao
