Kiddawen ni Ombudsman Jesus Crispin Remulla iti Sadiganbayan a ma-discharge ni sigud a Public Works and Highways Secretary Manuel Bonoan iti kaso a sangsangwenna mainaig iti P573 million a maatap a kickback manipud iti flood control projectst.
Sigun kenni Remulla, naaddaan dagitoy ti katulagan tapno agserbi kas state witness ni sigud a Secretary Manuel Bonoan.
Innayona a napateg ti testimonya ni Bonoan iti case buildup ti Ombudsman kontra kadagiti perpetrators ti flood-control mess.
Maipalagip a sumangsango ni Bonoan iti P573 milion a plunder charge.
Kaduana nga akusado ni Senador Jinggoy Estrada, sigud a DPWH NCR Assistant District Engineer Denryl Caesar Sanchez Cortuna, DPWH NCR District Engineer Manny Bumagat Bulusan, ken DPWH NCR District Engineer Arturo Lombres Gonzales Jr.
Ti kaso a non-bailable plunder ket nakasagana iti Sandiganbayan Fifth Division gapu iti kickbacks a naawatda manipud kadagiti flood control projects a proyekto ti gobierno.
