Nainget a bambantayan ti Manila Police District (MPD) ti Malacañang ken ti aglawlaw daytoy.
Daytoy ket kagidda ti insaysayangkat ti Iglesia ni Cristo (INC) a protest para iti panangipaayda ti suporta kenni Sen. Rondante Marcolita a manamnama a makasoan ti kaso a plunder.
Sigun kenni MPD Director BGen. Arnold Santiago, bambantayan dagiti otoridad ti Malacañang sipud nagrugi ti kilos-protesta ti INC iti EDSA People Power Monument.
Innayonna a selyado dagiti amin a gate ti Malacañang sipud nagrugi ti protesta.
Malaksid iti dayta, nakabantay metlaeng dagiti pulis kadagiti amin a kalsada a konektado iti Palasyo.
Iti agdama, agtultuloy ti panangidagadag ti PNP iti nasao a religius group a bantayanda ti grupo dagitoy tapno saan a mainayun dagiti dadduma a grupo nga addaan iti dadduma a panggep.
