Nakipaset ni Vice President Sara Duterte iti maysa a planting activity ken dadduma a selebrasyon idiay Surigao del Sur idi kalman, Hulyo 8.
Daytoy ket iti baet ti impeachment trial daytoy idiay senado.
Iti social media account daytoy, imbinglay ti bise presidente ti panagbisitana idiay Barangay Bigaan, Hinatuan kas panakimaymaysana iti maika-18 Araw ng Bigaan ken maika-65 Patronal Fiesta ti Mother of Perpetual Help.
Inyebkas ti bise president ti ragsakna a makadua dagiti residente iti nasao a lugar ken pinagyamananna dagitoy iti panangsangailida kenkuana.
Kabayatanna, manipud idi nangrugi ti impeachment trial idi Hulyo 6, saanpay a personal a sinmangsango ni VP Sara iti panagdengngeg ti impeachment court.
Nupay kasta, maipalagip nga idi maikadua nga aldaw, nagturong daytoy idiay senado ngem saan a tapno sumango iti trial no di ket para iti maysa a meeting kadua ti defense team. //bombokaren.c.sapirao
