--Ads--
Nakaruaren iti Philippine Area of Responsibility (PAR) ti bagyong Inday.
Naudi a nasaripatpatan daytoy iti kaadayo a 590 kilometro iti amianan a daya ti Itbayat, Batanes.
Sigun iti report, aggargaraw daytoy iti direksyon pa amianan a laud iti kinapartak a 20 kilometro tunggal oras.
Immet ni Inday ti maximum sustained wind nga 140 kilometro tunggal oras asideg iti sentro ken panagbanesnes ti agin a dumanon iti 170 kilometro tunggal oras.
Nupay nakaruaren daytoy iti PAR, agtaltalianed a nakaibayog ti Signal No. 1 idiay Batanes gapu iti agtultuloy nga apekto ti napigsa nga angin ken tudo. //bombokaren.c.sapirao
