Kinumpirmar ti Office of Civil Defense (OCD) a dumanunen iti 17 dagiti pimmusay gapu iti epekto ti bagyo nga Inday ken Southwest Monsoon iti pagilian.
Kaadduan kadagiti pimmusay ket manipud iti Malapatan, Sarangani no sadino, lima manipud iti Lanao del Sur sadiay BARMM ken dua sadiay Bukidnon.
Sigun kenni OCD Deputy Administrator Assistant Secretary Bernardo Rafaelito Alejandro IV, kaaduan kadagiti pimmusay ket gapu iti panagreggaay ti daga.
Innayonna a posible a pinnalukay ti magnitude 7.8 a ginggined idi June 08 dagiti daga a nangitunda iti panagreggay.
Mainaig iti dayta, sumagmamano nga indibidual ti naipadamag a mapukpukaw ngem mabiripikar paylaeng.
Manarimaan metten a matamtaming dagiti nadangran.
Kabayatanna, dumanon iti agarup 112,000 a pamilya ti naapektaran iti nasao a bagyo ken Habagat.
Kaaduan kadagitoy ket manipud iti 404 a barangay sadiay Region 2, CALABARZON, Region 3, 5, Region 12, BARMM ken Zamboanga.
