Nagpakdaar ti Bangko Sentral ng Pilipinas (BSP) kontra iti panagimprenta, panag-photocopy, ken panagiwaras kadagiti pisikal wenno digital a facsimile ti kuarta ti Pilipinas.
Inyunay-unay ti BSP a nainget a maiparit ti aniaman a kita ti reproduction ti kuarta, uray black-and-white.
Panggep daytoy a masalakniban ti integridad ti kuarta ti pagilian.
Namakdaar ti ahensiya, kasaruno ti legal a debate mainaig iti impeachment proceedings kontra kenni Vice President Sara Duterte no sadino, kinuna ni Atty. Amando Virgil Ligutan a maibilang itan nga orihinal ti photocopy.
Nagtaud ti isyu manipud kadagiti angaw dagiti sumagmamano a social media users a mabalin a maibilang met ti photocopy ti kuarta kas orihinal.
Sigun iti BSP, mabalin a maibalud iti 5 agingga iti 10 a tawen ti asinoman a matiliwan nga agar-aramid iti daytoy.
Dinakamat ti BSP a ti dusa ket maitunos iti BSP Circular No. 829, Series of 2014.
Indagadag pay ti ahensia ti publiko nga ireportda iti opisina daytoy wenno kadagiti pannakabagi ti linteg ti aniaman a mapagduaduaan a pannakayimprenta ti kuarta ti pagilian.
