Content Warning: This post contains discussion of self-harm and may be distressing to some viewers. Please be respectful in the comments. Victim-blaming, hate speech, harassment, bullying, and insensitive or abusive remarks will not be tolerated.
LA TRINIDAD, BENGUET – Manarimaan nga agpatpatataming iti ospital ti 18-anyos a babae kalpasan a nagsagrap iti dunor gapu iti aksidente ti lugan a napasamak iti paset ti Japanese Trail, Puguis, La Trinidad idi July 14, 2026.
Nabigbig ti biktima a maysa nga estudiante, residente ti La Trinidad ken tubo sadiay Bakun, Benguet.
Iti inisyal nga imbestigasion ti La Trinidad Municipal Police Station, maatap nga inggagara ti biktima nga inderetso ti lugan iti 20 meters ti kauneg a rangkis.
Iti pannakiuman ti Bombo Radyo iti maysa nga opisial ti La Trinidad MPS, immuna a dinakamat ti biktima kadagiti barkadana nga adda ti parikutna.
Sakbay ti insidente, nagtambay ti biktima ken dagiti barkadana iti Japanese trail no sadino, ditoyna a dinakamat nga adda ti problemana ngem saanan nga imbinglay.
Nagpakada nga adda ti pagturunganna ken inmanehona ti lugan kaduana ti maysa kadagiti barkadana.
Nupay kasta, ditoy metten a maatap nga indiretsona ti lugar iti rangkis.
Dagus a nerespodian ti nagtipun a pwersa ti La Trinidad MPS ken BFP La Trinidad ti nasao nga insidente.
Nakaruar iti ospital ti pahenante bayat nga agtaltalined paylaeng iti ospital ti biktima a driver.
Iti pannakiuman ti polisya kadagiti sumagmamano a pamilya ti biktima, maatap a makapaspasar daytoy iti stress.
Gapu iti dayta, agpalpalagip ti La Trinidad MPS kadagiti parentes a bantayan, bagbagaan ken igiya ti anakda nangruna dagiti ubing tapno maliklikan ti pakada nga insidente.
