Imbasura ti Office of the Ombudsman ti kaso a naipila kontra kenni Department of Public Works and Highways (DPWH) Secretary Vince Dizon, mainaig iti konstraksion dagiti pasilidad iti 2019 Southeast Asian (SEA) Games.
Sigun kenni Assistant Ombudsman Mico Clavano, nakalanad iti joint resolution a naipaulog idi Disiembre 2021 ti pannakaibasura ti kaso kalpasan a napaneknekan ti kinakurang ti ebidensiya kontra kenni Dizon.
Kasaruno daytoy iti inwaragawag ni National Bureau of Investigation (NBI) Director Melvin Matibag nga im-imbestigaran ti ahensiya ti maatap a bidding ken funding anomalies iti proyekto ti 2019 SEA Games, partikular iti New Clark City Sports Complex.
Nupay kasta, kinuna ni Palace Press Secretary Claire Castro nga idi paylaeng a naibistigaran ni Dizon ken naabsuelto daytoy.
Maipalagip a nagserbi ni Dizon kas presidente ken chief executive officer (CEO) ti Bases Conversion and Development Authority (BCDA) a nangimaton iti pannakaibangon ti nadakamat nga sports complex.
