Dumanonen iti P1.79 bilyon ti danyos iti sektor ti agrikultura gapu iti epekto ti habagat ken dagiti naglabas a bagyo a Luis, Maymay, ken Neneng.
Sigun iti Department of Agriculture, agarup 51,229 metten a mannalon ti naapektaran iti pagilian.
Rumrumuwar metlang iti datos ti Disaster Risk Reduction and Management Operations Center (DRRM-OpCen) ti nasao nga ahensya a dumanonen iti 41,647 nga ektarya ti daga ti apektado no sadino kangrunaan a naapektaran dagiti lugar iti Ilocos Region, Cordillera Administrative Region, Cagayan Valley, Central Luzon, CALABARZON, MIMAROPA, Bicol Region ken Western Visayas.
Impetteng ti nasao nga ahensya a posible pay a manayunan ti danyos gapu ta saan pay laeng a naileppas ti assessment dagitoy kadagiti dadduma pay a naapektaran a lugar.
