Inawagan ni Senate President Sherwin Gatchalian ti panagregget tapno marisut ti kinakurang dagiti mental health professionals iti pagilian kasaruno dagiti insidente ti pammaltog kadagiti pagadalan.
Sigun kenni Gatchalian, kasapulan a makapataud ti pagilian iti kanayunan a graduates nga agbalin a mental health professionals kalpasan nga inwaragawag ti Department of Health (DOH) ti panggepna nga agsanay iti healthcare workers.
Impeksa ni Gatchalian a makatulong daytoy a marisut ti nasao a pakaseknan.
Immunan a kinuna ti Department of Education (DepEd) a silulukat ti 48,000 a posisyon para iti school counselor associates iti pagilian.
Nupay kasta, 1000 laeng dagiti nagaplikar iti nasao a posisyon.
Sigun kenni DepEd Secretary Sonny Angara, panggepda a maaddaan ti lunggal pagadalan iti maysa nga school counselor associate tapno mapatibker ti mental health ken pyschosocial support dagiti estudiante iti pagilian.
