Silulukat ti prosecution panel a maisubli iti malem ti schedule ti impeachment trial ni Vice President Sara Duterte.
Sigun kenni Atty. Benjamin Tolosa Jr., mangipaay daytoy iti oportinidad para iti publiko a mabuya a live ti trial.
Inlawlawagana a no maisangyangkat ti impeachment trial iti agsapa, adu dagiti adda iti trabaho.
Innayon ni Atty. Tolosa a nakasagana dagitoy nga agtungpal iti anya man a panggeddeng ti impeachment court seknan iti baru nga schedule.
Manamnama a pagsasaritaan dagiti senador intun Lunes ti maipapan iti schedule ti impeachment trial.
Iti naisingasing nga schedule, maisayangkat iti Lunes agingga Mierkules ti regular Senate sessions manipud 10 a.m. agingga 2 p.m bayat a maangay ti impeachment trial iti 2:30 p.m agingga iti 7:30 p.m.
Impeksa ni Tolosa a babaen iti baru nga schedule, manamnama a mapapartak ti proseso.
