Binabalaw ni Davao City 1st District Rep. Paolo “Pulong” Duterte ti maatap a imbilin ti maysa a government agency iti Investigation Division for Public Corruption nga imbestigaranda ti sanikua ti pamilya Duterte.
Iti social media post ni Duterte, kinaritna dagiti otoridad nga agbalin a patas iti imbestigasyon ken siguradwenda nga ibasarda iti ebidensiya ken saan nga iti politika.
Sigun kenkuana, rumbeng a maimbestigaran metlaeng dagiti karaman iti kontrobersiya ti flood control projects.
“Excuse me, Mr. Matibay. Huwag ninyo kaming itulad sa mga amo ninyong nuknukan ng korap,” sigun kenni Duterte.
Kinuwestionaranna metlaeng ti maatap a pannakasukamat ti sanikua ti pamilya daytoy.
Impetteng ti Kongresista a no adda ti responsable, rumbeng a saan a mapilpili ken amin ket agsungbat.
