Saan a nagparang ni Vice President Sara Duterte iti Quezon City (QC) Regional Trial Court, kasaruno ti pannakaipaulog ti arrest warrant kontra kenkuana ita nga aldaw, Setiembre 04, 2026.
Impaulog ti QC Regional Trial Court Branch 98 ti arrest warrant gapu iti tallo a kaso a grave threats kontra kenni Duterte kalpasan a naduktalan nga addaan iti probable cause a mangtengngel iti Bise Presidente para iti pannakabista.
Nagturong ti kanayunan a pwersa ti pulisya iti QC Regional Trial Court kasaruno ti kiddaw kalpasan a naipaulog ti arrest warrant.
Nakasagana metlaeng ti backdrop para iti mugshots iti uneg ti korte kas panagsagana iti posible a panagsangpet ni Dutuerte.
Nupay kasta, saan a boluntaryo a nagparang ni Duterte iti korte agingga iti alas-6 p.m. iti Biernes.
Kabayatanna, immuna a kinuna ti abogado ni Duterte nga awan ti panggep ti Bise Presidente a mangliklik iti linteg, innayonna nga ituloyna amin a legal a remedyo.
