Indipensa ni DILG Secretary Jonvic Remulla dagiti otoridad nga inakosaran ni Vice President Sara Duterte iti harassment.
Iti statement ti bise presidente, kinuna na a marikriknana a saan a natalged iti presensiya dagiti pulis, nangruna ket idi paylaeng 2023 a makaaw-awat ti pangta iti biagna.
Innayunna nga adda ti harassment kenkuana, mabambatayan ken maiwan-wanawan, karaman ti pamilya daytoy.
Immuna a kinuna ni Remulla a rabii paylaeng ti biernes nga ammoda ti lokasyon ni Duterte ngem saanda nga impilit nga inserbi ti arrest warrant.
Binabalaw daytoy ni Duterte ken kinunana nga arigna nga adda ti pattern ti political harassment kontra kenkuana.
Impettengna a pammaneknek daytoy a pudno dagiti dokumento nga iggemda seknan iti surveillance ken harassment kontra kenkuana ken ti pamilyana.
Inlawlawag met ni Remulla nga awan ti harrassment a napasamak kenni Duterte a maysa a high profile person nga addaan iti arrest warrant.
Innayonna a trabaho ti PNP ti agmonitor, awan metlaeng ti kinontrada a hitman tapno mapangtaan ti bise presidente, ken awan metlaeng ti video-da iti internet seknan iti panagpangtada.
Inyunay-unay ti opisial a ti tignay dagiti otoridad ket maitunos amin iti normal a pulis protocol.
