Agtultuloy ti search and rescue operation ti Municipal Disaster Risk Reduction and Management Office (MDRRMO) – Emergency Operations Center (EOC) ti Kapangan kalpasan a naipakaammo kadakuada a mapukpukaw ti maysa a lalaki idi Setyembre 5, 2026.
Ti nasao a biktima ket nabigbig a ni Raul Aludos Juan, agtawen iti 29, ken residente ti Sagubo, Kapangan. Naudi a nakita daytoy idi Setyembre 1 sakbay daytoy a nagpukaw.
Apaman a naawat ti MDRRMO ti report, dagosda a nakikoordinar iti Barangay Sagubo, Philippine National Police (PNP), ken Bureau of Fire Protection (BFP) para iti dagos a panagresponde ken monitoring.
Naipatungpal met ti initial search operation babaen kadagiti opisyales ti Barangay Sagubo ken volunteers. Nupay kasta, saanda a nasarakan ti nasao a biktima.
Gapu iti daytoy, na-activate ti Search and Rescue (SAR) Team no sadinno naaddanen ti operational briefing kadua dagiti barangay officials ken responsing personnel tapno mai-coordinate a nasayaat dagiti search effort.
Umap-apela met ti nasao nga opisina iti publiko nga ipakaaamoda a dagos kadakuada nu adda dagiti impormasyonda a makatulong iti panangsarak kenni Juan.
Mabalinda nga ipakaammo iti Kapangan MDDRM Office, Kapangan PNP, Bureau of Fire Protection, wenno idiay Rural Health.
