Naiserbi ti warrant of arrest kontra kenni sigud a House Speaker Martin Romualdez bayat nga agpatpattaming iti Cardinal Santos Medical Center idi Lunes, Setiembre 07, 2026.
Sigun kenni Interior Secretary Juanito Victor “Jonvic” Remulla, naibasa ti warrant iti sangwanan ni Romualdez, ti anakna ken ti abogadanona.
Suksukimaten dagiti doktor ti ospital ken doktor ti Philippine National Police ti kasasaad ti kongresista.
Naospital ni Romualdez kalpasan a nakapasar iti cardiovascular event, unstable a blood pressure ken anxiety attack.
Sigun kenni Remulla, inaldaw a masukimat ken mabantayan ti kasasaad ni Romualdez agingga a kabaelanna a sumango iti korte.
Innayon ti opisial nga adda dagiti armed guards iti ruwangan ti kuarto ni Romualdez ken armado a police iti lobby ken ruar ti ospital.
Impaulog ti Sandiganbayan ti warrant kalpasan nga impila ti Ombudsman ti plunder charges kontra iti kongresista, sigud nga Ako Bicol party-list Rep. Zaldy Co ken dadduma pay gapu iti plunder case seknan iti P7.4 Billion a flood control kickback scheme.
