Maipatungpal ita nga aldaw, Sep. 15 ti parliamentary elections sadiay Maluso, Basilan kalpasan a naitantan gapu iti pre-shaded a balota.
Sigun kenni Comelec chairperson George Garcia, naisangpet dagiti balota iti oras ti 6:00 p.m idi kalman.
Direkta a maipaima daytoy kadagiti electoral board members ita nga agsapa.
Agrugi ti eleksyon iti 7 a.m. agingga 7 p.m.
Maipalagip a naipasidong ti Maluso iti COMELEC control kalpasan a nakompromiso ti 36 kadagiti 86 a presinto gapu iti pre-shaded ballots.
Gapu iti dayta, agserserbi ti Comelec kas direct commander dagiti local government workers ken police officers iti nasao a lugar.
Sigun kenni Garcia, addan ti detalye dagiti otoridad iti maatap a responsable.
Naibilin metlaeng ti pannakayimprenta manen dagiti balota para kadagiti naapektaran a polling precincts
