Kinumpirma ti Philippine Coast Guard (PCG) a boluntaryo a nagpakita ni MV June Aster Captain Roel Sarmiento iti vessel operator’s office-da, lima nga aldaw kalpasan a nauram ti barko sadiay Coron, Palawan.
Sigun iti PCG, nagparang daytoy iti Atienza Interisland Ferries Inc. office sadiay Palawan no sadino nai-report met iti Emergency Operations Center.
Manamnama met a makwestionaran ni Sarmiento dagiti imbestigador tapno maakalada iti kanayonan a detalye iti nasao nga uram.
Maipalagip a nauram ti MV June Aster idi Septiembre 9 bayat nga adda Coron, Palawan. Iti agdama, saan pay a naammoan iti rason iti nasao nga insidente.
Maibasar iti kaudian a report, 132 ti pasaheros iti MV June Aster no sadinp dumanon iti 76 iti pimmusay bayat a 12 pay iti mapukpukaw.
Kabayatanna, 44 met ti naireport a survivor karaman ni Sarmiento a kapitan iti nasao a barko.// Bombo Khey Reparip
