Kinumpirmar ti Commission on Elections (Comelec) nga addan ti lead dagitoy kadagiti adda iti likudan ti pre-shaded ballot a naduktalan iti BARMM parliamentary elections sadiay Maluso, Basilan.
Sigun iti ahensiya, addan ti impormasyon dagitoy seknan iti pre-shaded ballots sakbay paylaeng a naipasidong ti Maluso iti Comelec control.
Naipasidong ti Maluso ken Cotabato City iti Comelec control kalpasan a nadiskobre dagiti pre-shaded a balota kadagiti lokasyon a nakapasamakan dagiti insidente ti pammaltog ken dadduma pay.
Naipama dagiti 36 a kahon ti pre-shaded ballots iti kostudiya ti law deparment.
Sigun kenni Comelec Chairman George Erwin Garcia, naituding nga ipaulog ti law department dagiti pormal a notices kadagiti sumagmamano nga indibidual tapno agpammalawag dagitoy kas paset ti imbestigasyon.
