Inwaragawag ni Banga Mayor Albert Palencia a naduktalan a karaman iti “true crimes community” ti Grade 9 a suspek iti insidente ti pammaltog iti Banga National High School sadiay South Cotabato idi Biernes, September 18, 2026.
Sigun iti Mayor, posible a daytoy ti nangparigta iti suspek a tuladen ti shooting incidents.
Innayon ti opisial a ti “true crimes community” ket maysa nga internet group no sadino, naobserbaran dagiti otoridad nga adu ti social media post sadiay ti suspek.
Sigun pay kenni Palencia, inidolo ti suspek dagiti immuna a nangisayangakat iti shooting incident iti pagadalan.
Kabayatanna, taltalantanen ti Senado ti Nihilistic Violent Extremism nga umad-adu kadagiti online space kalpasan ti immuna a dua nga insidente.
Patien dagiti adu nga opisial nga adda ti akem dayto iti insidente ti pammaltog kadagiti pagadalan.
