Inawagan ni Executive Secretary Ralph Recto ti UPLIFT Committee idi napalabas a lawas para iti panagsagana ti gobyerno iti epekto ti tensyon idiay Middle East ken panagngato ti presyo ti petrolyo.
Sigun kenni Recto, kasapulan a dagos nga agsagana ti gobyerno tapno maprotektaran dagiti Pilipino iti posible a panagngato ti presyo ti pamasahe, taraon, ken dadduma pay a gagatangen.
Impasigurado met ni Recto nga agtultuloy ti panagmonitorda iti sitwasyon idiay Middle East ken ti posible nga epekto daytoy iti presyon ti petrolyo, suplay ti taraon, inflation, ken ekonomiya ti pagilian.
Impetteng met ti UPLIFT Committee a nakasagana daytoy a nayunan ti ayuda a maipaay iti kanito a kumaro ti sitwasyon.
Iti nasao a meeting, impakaammo met ti Department of Energy (DOE) nga umdas ti suplay ti gasolina, diesel, ken LPG iti pagilian.
Iti met benneg ti Department of Social Welfare and Development (DSWD) nga ada ti umdas a ponod tapno itulyda agingga iti ngudo ti tawen ti cash assistance iti agarup 7.5 milyon benepisyaryo .
Iti agdama, 5.79 milyon metten nga indibidual ti nakaawat iti assistance.
Para kadagiti overseas Filipino a naapektaran iti tensyon idiay Middle East, impetteng ti Department of Migrant Workers nga ada ti umdas a pondo para iti repatriation dagitoy.
Naipangato metten ti fuel discount para kadagiti kwalipikado a transport workers manipud P10 agingga P12 tunggal litro.
Agtultuloy met ti toll exemption para iti provincial buses.
Para met kadagiti mannalon ken mangngalap, agarup 2.59 milyon ti nakaawat iti pakabuklan a gatad a P6.03 bilyon nga ayuda.
Impetteng met ti Department of Labor and Employment a mabalinda a palawaen ti TUPAD Emergency Employment Programda para kadagiti transport wokrker, mannalon ken mangngalap iti pagilian.
