Indeklara ni Governor Dr. Melchor Diclas babaen iti Executive Order No. 2026-73 Day ti September 25, 2026 kas Special Non-Working Holiday para iti panangselebrar iti National Teachers’ Month ita nga bulan, para kadagiti teaching ken non-teaching personnel kadagiti pagadalan iti probinsya ti Benguet.
Daytoy ket tapno bigbigen dagiti sakripisyo dagitoy ken agserbi kas panagyaman ken panangbigbig iti napateg a kontribusion dagiti mannursuro ken amin a personnel iti edukasyon.
Babaen iti nasao a selebrasyon, maipaay met kadagiti teaching ken non-teaching personnel ti oras a panaginana ken pannakikadua kadagiti kapamilya ken kakaduada.
Namnamaen a daytoy a selebrasion ket mangpapigsa iti morale ken dedikasion dagiti personnel iti panagserbi kadagiti estudyante ken komunidad iti probinsya iti Benguet.| Bombo Khey Reparip
