Imbilin ti Commission on Elections (Comelec) idi Biernes ti pannakaisardeng ti amin nga aktibidades mainaig iti 2026 Barangay and Sangguniang Kabataan Elections (BSKE).
Daytoy ket kalpasan a pinirmaan ni President Ferdinand Marcos Jr.ti pannakaitantan ti BSKE nga immuna a naituding iti Nobiembre 02, 2026.
Maibasar iti kaudian a resolusyon, nabilin ti mannakaisardeng ti panangipila iti certificate of candidacy ken subsequent campaign period.
Imbilin metlaeng ti ahensiya ti pannakaikkat dagiti prohibition mainaig iti BSKE.
Nupay kasta, kinuna ti poll body nga intuloyda ti panagimprinta iti balota, accountable forms, Election Day Computerized Voters List (EDCVL), Posted Computerized Voters List (PCVL) ken dadduma pay.
Maituloy metlaeng ti Voter registration para iti 2028 National and Local Elections nga agrugi iti maikadua a lawas ti Nobiembre 2026.
