Impeksa ni Interior Secretary Jonvic Remulla a nakalukat daytoy para iti maysa a dayalogo kadua ti True Brown Style (TBS) lakitdi ikarida nga isardengdan dagiti ar-aramidenda a maatap a krimen.
Inwaragawag daytoy ni Remulla kasaruno iti panangidepensa ti TBS Worldwide ti grupo da kagidan iti panagkiddawda a saan nga igeneralize amin dagiti miyembroda kas kriminal.
Impetteng pay ti nasao nga organisasyon nga adda pay kadagiti miyembroda ti nakipaspaset kadagiti nagduduma a community activities kas panangsuporta kadagiti agkasapulan.
Nupay kasta, impeksa ni Remulla a saan a mabalin nga apputan dagiti charitable activities dagitoy dagiti mapapati a krimen nga inar-aramidda.
Impetteng metlaeng ti nasao nga opisyal nga addan dagiti listaanda kadagiti mapapati a paset iti nasao a grupo.
Immunan nga imbutaktak ni Remulla a nagwarasen dagiti miyembro iti nasao a community-based criminal gang kadagiti amin a local government units (LGUs) ti Manila ken 78 pay a probinsya no sadino inawaganna daytoy nga ‘alarming’. Inwaragawagna pay nga imbilin ni President Ferdinand Marcos, Jr. ti pannaka-dismantle ti nasao nga organisasyon.
Sigun kadagiti otoridad, kadawyan a mangbukbukel iti nasao a gang group ket dagiti agtutubo nga agtawen iti 14 to 15 ken dagiti agtawen iti 20-25 no sadino dagitoy ti mapapati a mangisursuro kadagiti ubbing nga agaramid kadagiti krimen.
Sigun pay kadagiti otoridad, karaman kadagiti initiation rites nga ipatpatungpal ti nasao a grupo ket ti panagtakaw kadagiti convenient stores ken gunpoint.
