Dumanon iti P700,000 ti posible a magastos ti Senado iti pannakatarimaan ti baru nga opisina ni Senate President Pro Tempore Vicente “Tito” Sotto III kalpasan a nabaklas dagiti dandani amin nga adda iti uneg ti nasao nga opisina.
Daytoy ti opisina nga inaramat ni Sen. Jinggoy Estrada.
Sigun kenni Senate President Sherwin Gatchalian, nailatang ti P700,000 para iti renovation budget ti nasao nga opisina.
Impeksa ni Gatchalian a saan a gagangay nga aramid dagiti outgoing senator a baklasen dagiti dandani amin a kagawaan ti opisina sakbay nga umikkat dagitoy.
Innayonna nga imbati ni sigud a senador Aquilino “Koko” Pimentel III ken Panfilo Lacson dagiti opisina dagitoy nga adda iti nasayaat a kondisyon.
Inlawlawag ni Gatchalian nga ad-adda a makatipid iti pondo ti Senado no dagus a maaramat ti opisina a saan nga agkasapulan iti dakkel a renobasyon.
Iti baet dayta, impeksa ni Gatchalian a respetuenna ti desisyon ni Estrada agsipudta personal a pondona inaramat daytoy para iti nasao nga opisina daytoy.
