Inserra ti Malaysia dagiti pagadalan sadiay Kuala Lumpur ken dagiti sumagmamano a kaasitgan a lugar kalpasan a dimmanon iti delikado a lebel ti polusyon ti angin gapu iti forest fires sadiay Indonesia.
Sigun kadagiti otoridad, dimmanon iti 170 ti Air Pollutant Index (API) sadiay Kuala Lumpur bayat a dimmanon met iti “very unhealthy” ti kalidad ti angin sadiay Singapore.
Apektado ditoy dagiti agarup 2 million nga estudiante.
Gapu iti dayta, imbilin ni King Sultan Ibrahim ti otomatiko a pannakaiserra dagiti pagadalan iti kanito a lumabes iti 150 ti Air Pollutant Index reading.
Kabayatanna, naisayangkat ti cloud seeding operations, bayat nga agtultuloy a bambantayan dagiti otoridad ti health crisis.
Iti agdama, nasurok iti 170,000 ti nailista a kaso seknan iti respiratory infection gapu iti haze nga ituntunda ti nalawa nga uram sadiay Indonesia.
